Biashara ni sehemu ya maisha ya wanajamii wa Kongwa kwa sasa.
Kuna muamko mkubwa watu wa rika mbalimbali kujishughulisha za biashara za aina mbalimbali kama usafirishaji wa mazao, na uchakataji wa mazao katika hatua mbalimbali kabla ya kupelekwa sokoni.
Kutokana na muamko huu, Halmashauri ya Wilaya ya Kongwa kupitia mradi wa uboreshaji wa mazingira ya biashara (LIC) imejenga Kituo cha Biashara (OSBC) ili kurahisisha utoaji wa huduma ya kupata leseni ya biashara ndani ya muda mfupi na sehemu moja. Jengo hilo linahusisha ofisi zote zinazohusika katika mchakato wa kupatikana kwa leseni - Ardhi, Mazingira, Biashara, Mapato, TRA na Benki.
Aidha, hapo utapata huduma ya kusajili kampuni kwa njia ya kielektroni katika tovuti ya BRELA na simu ya mkononi.
