Kujiunga na Kuingia Katika Mfumo wa Huduma kwa Watumishi wa Umma (Watumishi Portal)

Hatua za Kujisajili na Kuingia Kwenye Mfumo wa Huduma kwa Watumishi wa Umma::-

1. Fungua “Watumishi Portal” kwa kuandika anuani ya tovuti ifuatavyo http://www.utumishi.go.tz/watumishiportal/index.php katika sehemu ya kuandika anuani katika kivinjari chako (browser), au kiungo kilichoandikwa Huduma kwa Watumishi wa Umma katika ukurasa wa mwanzo wa tovuti ya Halmashauri ya Wilaya ya Kongwa (www.kongwadc.go.tz ).
2. Bofya sehemu ya iliyoandikwa “Jisajili”.
3. Jaza taarifa zako katika ukurasa utakaofunguka; taarifa hizo ni majina yako yanayotumika katika Mfumo wa Taarifa za Watumishi – hcmis (Lawson Portal), Namba ya Cheki, Barua Pepe na Neno la Siri utakalotumia kuingia katika mfumo (Watumishi Portal).
4. Ukimaliza kujaza fomu ya kusajili bofya kitufe kilichoandikwa “Submit” kuwasilisha usajili wako, na ujumbe utatumwa moja kwa moja kwenye akaunti ya barua pepe yako.
5. Ingia kwenye akaunti ya barua pepe yako, utakuta ujumbe wenye kiungo (link) ya kuthibitisha akaunti yako katika Watumishi Portal, bofya kiungo hicho kitakupeleka kwenye moja kwa moja kwenye WATUMISHI PORTAL.
6. Ingiza barua pepe yako na neno la siri kisha bofya kitufe cha rangi ya bluu kilichoandikwa Ingia, utafunguka ukurasa wenye huduma ambazo unaweza kuzipata katika mfumo.

Tafadhali, bofya kiungo hiki NIFANYEJE KUJIUNGA NA KUINGIA KATIKA MFUMO WA HUDUMA KWA WATUMISHI WA UMMA.pdf kupata maelekezo ya kina yenye vielelezo.