Hatua za kufuata ili kumilikishwa kiwanja na Halmashauri ya Wilaya ya Kongwa:-
Mteja atatakiwa kufika Halmashauri Ofisi ya Miliki za Ardhi ili kupatiwa bili ya Fomu ya Maombi ya Kiwanja (Ada ya Maombi).
Baada ya Kupewa bili toka katika Mfumo wa Mapato ya Ndani (LGRCIS), Mteja ataenda benki kulipia kiasi cha shilingi 20,000/= kama ada ya maombi ya kiwanja (Akaunti ya Revenue Scheme Revenue Collection A/C NO. 50301000002 NMB).
Mteja akishalipa Ada ya Maombi ya Kiwanja, anatakiwa kueleza aina ya kiwanja anachokitaka ni cha matumizi gani (makazi, makazi/biashara au taasisi) na anataka cha ukubwa wa kiasi gani (ujazo wa chini, wa kati au ujazo wa juu).
Baada ya kutoa maelezo mteja atapatiwa gharama halisi za kiwanja kulingana na matumizi sanjari na gharama ya kutengeneza hati.
Mteja akiwa tayari kulipa gharama za kiwanja anachokihitaji atatolewa bili ya malipo ya kiwanja kwenye Mfumo wa kielektroniki.
Baada ya bili kutolewa atapatiwa mchanganuo wa ulipaji – sababu malipo haya yamegawanyika katika makundi miwili; Serikali Kuu na Halmashauri.
Baada ya hapo mteja anaandaliwa hati na kuendelea na taratibu zingine za kiofisi katika Ofisi ya Kamishna Kanda ya Kati, Dodoma.
Hati itatoka baada ya muda wa siku tisini (90) kukamilika – miezi mitatu (3), hii ni kwa mujibu wa sheria ya ardhi.
ZINGATIO:-
Hati ikishakamilika, hati hupokelewa na mteja katika Ofisi ya Msajili Kanda ya Kati Dodoma.
