Shule kongwe ya Mnyakongo yapata Neema ya Wahisani.

Imewekwa: July 26th, 2022

Shule ya Msingi Mnyakongo Wilayani Kongwa, Mkoani Dodoma imepata misaada ya kielimu kutoka Kwa wahisani wa nchi za Uingereza na Marekani.

Hayo yamebainishwa na Mkurugenzi Mtendaji (W) Dkt. Omary Nkullo muda mfupi baada ya kufanya kikao Cha ndani na wahisani hao Mapema tarehe 26 Julai 2022.

Maelezo yake  Dkt. Nkullo yalibainisha kuwa , wahisani hao ni wale walisomea katika Shule hiyo kipindi kampuni ya "Overseas food Corporation" ilipokuwa ikifanya kazi ya Kilimo Cha Karanga Wilayani humo.

Akizungumza Kwa niaba ya wengine, mhisani Prof. Peter Milder alisema kuwa wao wameamua kutembelea Shule waliyosoma walipokuwa watoto ili kutoka misaada kwaajili ya kuboresha mazingira ya utoaji elimu.

Kwa upande wake Mwalimu Mkuu wa Shule ya Msingi Mnyakongo ndugu Safari Kambadu alitaja misaada iliyotolewa kuwa ni pamoja na  uchimbaji wa kisima cha maji, ujenzi wa Maktaba, vifaa vya michezo, na ahadi ya kukarabati Shule hiyo itakayohusisha ujenzi wa uzio.

Ikumbukwe kuwa Shule hii ya kihistoria ni miongoni mwa Shule zinazofanya vizuri katika mitihani ya taifa, wilayani Kongwa.