Wadau wa Misitu Kongwa, wajinyakulia Tuzo

Imewekwa: August 15th, 2021

  Waziri Mkuu mstafu Mhe. Mizengo Peter Pinda, aliongoza zoezi la Utoaji tuzo katika tamasha la upandaji miti na uzinduzi wa programu ya Dodoma ya kijani Jumamosi Agosti 14, 2021 Katika Chuo Cha DECCA kilichopo Nala Mjini Dodoma.

  Katika Tamasha hilo Wilaya ya Kongwa nayo iliibuka kidedea baada ya Baadhi ya wadau wake Katika suala la upandaji miti kujinyakulia tuzo mbalimbali.

  Miongoni mwa waliopata tuzo ni Taasisi ya Magereza Wilaya ya Kongwa iliyojinyakulia Kombe, wakati shule ya Msingi Viganga ikipatiwa jezi, pamoja na mpira wa miguu, huku Mchungaji Rafael Chinolo mkazi wa Kijiji cha Chamkoroma akijipatia pesa taslimu Tzs. 100,000/=.

 Tamasha hilo, limehusisha taasisi za serikali, na "NGO" zilizofanya vizuri katika upandaji wa miti  tangu mwaka 2017 na lilihudhuriwa na Mkuu wa Mkoa wa Dodoma, wakuu wa wilaya zote za Mkoa, TFS,  na wadau mbalimbali.