Watu 1,718 Wanufaika, Zoezi la Kliniki Tembezi ya Madaktari Bingwa Kongwa

Imewekwa: April 23rd, 2017

Jumla ya watu 1,718 wamehudumiwa katika zoezi la Kliniki Tembezi ya Madaktari Bingwa katika Wilaya ya Kongwa, Mkoa Wa Dodoma iliyofanyika tarehe 17 - 22 / 04 / 2017.

Malengo ya kliniki tembezi hiyo ni;

1. Kusogeza huduma karibu na wananchi wanaoshindwa kupata huduma za kibingwa kutokana na sababu za gharama kubwa za matibabu, umbali mrefu wa kufuata huduma za kibingwa na upungufu wa watoa huduma.
2. Kuwajengea uwezo watoa huduma katika hospitali za wilaya.
3. Kuimarisha ubora wa huduma zitolewazo katika hospitali za wilaya.
4. Kuleta uwiano wa huduma kati ya wananchi waishio mijini na vijijini.

Katika Kliniki Tembezi hiyo, Halmashauri ya Wilaya ya Kongwa imepata mafanikio yafuatayo;

1. Mashine za vipimo vya maabala zimetengezwa (biochemistry mashine ilikuwa haifanyi kazi kwa zaidi ya miezi 6).
2. Kuongezeka kwa vipimo ambavyo havikuwapo hapo awali (Bilirubin, cholesterol ,Uric acid )
3. Watumishi kujengewa uwezo.
4. Hospitali itaanza kutoa huduma mpya ambazo zilikuwa hazitolewi (kliniki ya NCD).