Kuitwa kwenye usaili waombaji wa nafasi mbalimbali za Ajira ya muda katika zoezi la Sensa ya watu na makazi, 2022.
17 July 2022
Mkuu wa Wilaya ya Kongwa anawatangazia wananchi wote walioomba nafasi za kazi za Sensa na kuchaguliwa kushiriki usaili kwa nafasi ya Karani wa Sensa, Msimamizi wa Maudhui na Msimamizi wa TEHAMA kupitia tangazo la nafasi ya Sensa lililotangazwa kwa muda wa siku kumi na nne kuanzia tarehe 05 Mei, 2022 hadi 19 Mei, 2022, kuwa usaili utafanyika tarehe 19 Julai, 2022 kama ifuatavyo:-
a) Waombaji wa nafasi za Makarani wa Sensa na Msimamizi wa Maudhui usaili utafanyika Makao makuu ya Kata walipoombea siku ya Jumanne tarehe 19, Julai, 2022 kuanzia saa mbili kamili (2:00) Asubuhi.
b) Kwa maombi ya Nafasi ya Msimamizi wa TEHAMA Usaili utafanyika Makao Makuu ya Halmashauri ya Wilaya ya Kongwa.
