Uboreshaji wa Daftari la Kudumu la Wapiga Kura

Afisa Mwandikishaji Jimbo la Kongwa anawatangazia wananchi wote kuwa Zoezi la Uboreshaji wa Daftari la Kudumu la Wapiga Kura litafanyika kuanzia tarehe 6 – 12 Desemba 2019. 

Zoezi hili linahusisha kuandikishwa Wapiga Kura wapya, kusahihisha  taarifa za Wapiga Kura walioandikishwa awali, kuondoa waliokosa sifa, kuhamisha taarifa za Mpiga Kura na kutoa kadi mpya kwa waliopoteza kadi au kadi kuharibika.

Zoezi hili la Uandikishaji Wapiga Kura katika Daftari la Kudumu la Wapiga Kura litafanyika katika Vituo vya Kujiandikishia.

Ili uweze kuandikishwa unatakiwa kuwa raia wa Tanzania(kwa Kuzaliwa au kwa Kurithi au kwa Tajnisi) na pia,  uwe na umri wa miaka 18 au zaidi au utatimiza umri wa miaka 18 kabla au ifikapo tarehe ya Uchaguzi 2020.

Kwa msaada kuhusu ufafanuzi wa zoezi hili la Uboreshaji wa Daftari la Kudumu la Wapiga Kura wasiliana na Afisa Uchaguzi 0622750336.

Imetolewa na 

Afisa Mwandikishaji Jimbo la Kongwa