Uzinduzi wa Mifumo Mipya ya PlanRep & FFARS

Ofisi ya Rais, Tawala za Mikoa na Serikali za Mitaa (OR-TAMISEMI) imesanifu na inaendelea na utengenezaji wa mfumo mpya wa Mipango na Bajeti za Mamlaka za Serikali za Mitaa wa PlanRep.

Aidha, imetengenezwa mfumo mpya wa Usimamizi wa Fedha za Serikali katika ngazi ya kutolea huduma, mfumo ujulikanao kwa jina la Facility Financial Accounting and Reporting System (FFARS). Mifumo yote hii miwili itazinduliwa kitaifa tarehe 8/09/2017, Kitaifa uzinduzi utafanyika katika Ukumbi wa LAPF Dodoma (LAPF Conference Centre)

Kabla ya uzinduzi kutakuwa na mafunzo ya mifumo yote miwili kwa watumiaji ngazi ya Mikoa na Halmashauri, ambapo mafunzo haya yatatolewa kikanda, kwa Kanda ya Kati mafunzo yataanza Agosti 28 hadi Septemba 8, 2017.