Kupata Leseni ya Biashara

Ili kupata leseni ya biashara inayotolewa na Halmashauri ya Wilaya ya Kongwa unatakiwa   kufuata hatua zifuatazo:-

A: Mfanyabiashara asiye na Namba ya Utambulisho wa Mlipa Kodi (TIN):

1. Fika ofisi ya Biashara ya Halmashauri ya Wilaya ya Kongwa ili upatiwe Fomu maalum kwa ajili ya kujaza taarifa zako za biashara
2. Nenda Ofisi ya Mtendaji wa Kijiji (VEO) katika eneo unalotarajia kufungua biashara yako ili akusainie na kukugongea muhuri
3. Kwa mfanyabiashara wa chakula na vinywaji (Vileo) lazima biashara yako ihakikiwe na kuthibitishwa na Afisa Afya wa eneo husika.
4. Kwa Mfanyabiashara wa Duka la Dawa Baridi ni lazima upate kibali kutoka Baraza la Famasia la Wilaya (Business Pharmacy Permit) Kongwa.
5. Fika Mamlaka ya Mapato Tanzania (TRA), Dodoma Mjini ili biashara yako isajiliwe na upatiwe Namba ya Utambulisho wa Mlipa Kodi (TIN).
6. Baada ya kupatiwa TIN, utakadiliwa kiasi cha Kodi utakachopaswa kulipa kulinga na biashara yako ili ukalipie Benki na baada ya kukamilisha malipo ya Benki utapatiwa Cheti cha Utakaso cha Mlipakodi (Tax Clearance Certificate).
7. Fika Ofisi ya Biashara Wilaya ya Kongwa ukiwa na Cheti cha Utakaso cha Mlipakodi halisi (Original) pamoja na Nakala (Photocopy) ya Cheti cha Mlipa Kodi yaani TIN ili ukadiliwe na kupatiwa Ankra (Bili) ya Malipo ambapo utakwenda kulipia Benki ya NMB.
8. Baada ya malipo kufanyika, nenda Ofisi ya Mtasilimu (Cashier) ukiwa na Stakabadhi yako ya malipo ya Benki (Pay in Slip) ambapo utapatiwa risiti ya Mfumo wa Mapato (LGRCIS).
9. Baada ya kupata risiti, rudi Ofisi ya Biashara ukiwa na risiti au Stakabadhi yako ya malipo ya Benki (Pay in Slip) ambapo utapatiwa leseni ya biashara yako.

B: Mfanyabiashara mwenye Namba ya Utambulisho wa Mlipa Kodi (TIN):

1. Fika ofisi ya Biashara ya Halmashauri ya Wilaya ya Kongwa ili upatiwe Fomu maalum kwa ajili ya kujaza taarifa zako za biashara
2. Nenda Ofisi ya Mtendaji wa Kijiji (VEO) katika eneo unalotarajia kufungua biashara yako ili akusainie na kukugongea muhuri.
3. Kwa mfanyabiashara wa chakula na vinywaji (Vileo) lazima biashara yako ihakikiwe na kuthibitishwa na Afisa Afya wa eneo husika.
4. Kwa Mfanyabiashara wa Dula la Dawa Baridi ni lazima upate kibali kutoka Baraza la Famasia la Wilaya (Business Pharmacy Permit) Kongwa.
5. Fika Mamlaka ya Mapato Tanzania (TRA) utakadiliwa kiasi cha Kodi utakachopaswa kulipa kulingana na biashara yako ili ukalipie Benki na baada ya kukamilisha malipo ya Benki utapatiwa Cheti cha Utakaso cha Mlipakodi (Tax Clearance Certificate).
6. Fika Ofisi ya Biashara Wilaya ya Bahi ukiwa na Cheti cha Utakaso cha Mlipakodi halisi (Original) pamoja na Nakala (Photocopy) ya Cheti cha Mlipa Kodi yaani TIN ili ukadiliwe na kupatiwa Ankra (Bili) ya Malipo ambapo utakwenda kulipia Benki ya NMB.
7. Baada ya malipo kufanyika, nenda Ofisi ya Mtasilimu (Cashier) ukiwa na Stakabadhi yako ya malipo ya Benki (Pay in Slip) ambapo utapatiwa risiti ya Mfumo wa Mapato (LGRCIS).
8. Baada ya kupata risiti, rudi Ofisi ya Biashara ukiwa na risiti au Stakabadhi yako ya malipo ya Benki (Pay in Slip) ambapo utapatiwa leseni ya biashara yako.

KUMBUKA KUWA:

• Fomu ya Maombi ya Leseni ya Biashara inapatikana katika tovuti hii. Bofya hapa “Fomu ya Maombi ya Leseni ya Biashara”
• Malipo ya Kodi ya Mapato yanayofanyika kupitia TRA ni kuanzia Januari 01 hadi Desemba 31 kila mwaka.
• Wakati malipo Leseni ya Biashara ni kuanzia Julai 01 hadi Juni 30 kila mwaka.
• Halmashauri ya Wilaya ya Kongwa ina kituo cha biashara (One Stop Business Center – OSBC) ambapo huduma nyingi zinatolewa hapo ili kumuondolea usumbufu mteja.
• OSBC imeunganisha ofisi za Biashara, Mhasibu wa Mapato, Mtasilimu, Afisa Afya, na Ardhi. Aidha, Kituo kipo mbioni kutoa huduma za Ofisi ya TRA na Benki.