Benki ya NBC Yatoa Msaada wa Viti 80 na Kompyuta 15 kwa Halmashauri ya Kongwa

Imewekwa: November 14th, 2018

Halmashauri ya Wilaya ya Kongwa imepokea viti 80 na kompyuta 15 toka kwa Benki ya Biashara ya Taifa (NBC) ambapo viti hivyo na kompyuta hizo zitaelekezwa katika ofisi mbalimbali kwa matumizi ya ofisi.

Zoezi la upokeaji vifaa hivi limefanyika leo Novemba 14, 2018 katika Ukumbi wa Mikutano wa Halmashauri ya Wilaya ya Kongwa, ambapo viti vyote 80 vimeshapokelewa na kesho saa 7 mchana, kompyuta 15 zitpokelewa.

Mkurugenzi Mtendaji wa Halmashauri, Dkt. Omary A. Nkullo anatoa shukrani za dhati kwa Uongozi wa Benki ya NBC na pia kuziomba benki zingi kutoa misaada kwa taasisi mbalimbali katika masuala ya maendeleo ili kuongeza tija katika utoaji wa huduma kwa wananchi.