Halmashauri yajifunga kibwebwe, Kampeni unywaji wa maziwa Shuleni.

Imewekwa: October 25th, 2022

Halmashauri ya Wilaya ya Kongwa imegawa jumla ya lita 446 za maziwa sawa na pakiti 1783 zenye thamani ya shilingi  1,248,100.00 kwa wanafunzi wa darasa la awali na la kwanza kwa shule 5 za Msingi.

Jumla ya wanafunzi 1783 wamepatiwa maziwa hayo Ikiwa ni mwendelezo wa kampeni ya kuongeza ufaulu wa wanafunzi kupitia unywaji wa maziwa.

Kwa mujibu wa Msimamizi wa zoezi na mtoaji elimu kuhusu umuhimu wa kunywa maziwa Shuleni  Bwana Msafiri V. Mkunda ambaye ni Afisa Mifugo Wilaya ya Kongwa, Shule zilizonufaika na mgao huo ni Mlimagata, Manungu, Chimlata, Mnyakongo na Kongwa.

Maziwa hayo yamesindikwa katika Kiwanda cha Maziwa cha Halmashauri kilichopo katika Kijiji cha Mbande, ambapo bidhaa hiyo inatambulika kwa jina la Kongwa Maziwa.