Kongwa Yafanya Mkutano wa Pamoja; Baraza la Biashara la Wilaya, Baraza la Madiwani

Imewekwa: December 20th, 2017

Wilaya ya Kongwa yafanya Mkutano wa Pamoja wa Baraza la Biashara la Wilaya na Baraza la Madiwani Wilayani Kongwa. Katika Mkutano huu Mkuu wa Wilaya ya Kongwa Mhe. Deogratius Ndejembi (Mwenyekiti wa Baraza la Biashara) amewahasa wajumbe wa mabaraza yote mawili -sekta ya umma na sekta binafsi kujikita kwenye mradi wa ufugaji kuku. 

Aidha, Mkuu wa Wilaya ameeleza elimu ambayo wataalam wanayo na wadau mbalimbali wa biashara waliyopewa kuhusu ufugaji kuku washirikiane katika kuisambaza kwa wananchi katika kata zote zilizopo Wialayani kongwa. Hayo ameeleza wakati wa kufunga Mkutano huo ambaomumefanyika tarehe 20 Desemaba, 2017.

Katika Mkutano huo mada mbalimbali zimewasilishwa na kujadiliwa ikiwemo; Mafanikio ya na Changamoto za Baraza la Biashara la Wilaya kwa mwaka 2017; Uanzishaji wa Dira ya uwekezaji kwa Wilaya ya Kongwa' na Taarifa ya Utekelezaji wa Mradi wa Kuku Mbande.

Katika taarifa ya mafanikio na changamoto imeelezwa kwamba Baraza la Biashara kwa mwaka 2017 limepata mafanikio yafuatayo;

• Kuundwa kwa Baraza jipya la Biashara lenye uwakilishi mpana zaidi na lenye kujumuisha jumuiya mbalimbali;
• Vikao mbalimbali vya Baraza la Biashara vimefanyika pamoja na vikao vya kamati tendaji. Vikao vya Baraza la Biashara la Wilaya- 3, vikao vya kamati tenda- 4, vikosi kazi- 3, Baraza la pamoja kati ya Baraza la Biashara na Baraza la Madiwani- 1;
• Vikosi kazi vimeundwa kubaini fursa na changamoto za Soko la mazao Kibaigwa, na kikosi kazi cha kubaini changamoto za Soko la mifugo Kongwa;
• Kuanza kwa utekelezaji wa mradi wa kuku katika eneo la Mbande na kiasi cha Tsh.115, 092,500/= zimeshatolewa kwa awamu ya kwanza;
• Mafunzo ya kujengewa uwezo yametolewa kwa wajumbe wa Baraza la Biashara kutoka Sekta binafsi yametolewa kwa kushirikiana na TPSF;
• Kuundwa kwa kikundi cha umoja wa wauza mafuta ya alizeti Pandambili- UVIWAPA ukijumuisha muunganiko wa vikundi nane;
• Maandiko mbalimbali ya miradi yameandikwa na kuwasilishwa LIC ikiwemo andiko la mradi wa kituo cha kuuzia mafuta ya alizeti Pandambili na andiko la mnada wa mifugo Mbande; na
• Kuanza kutumia jengo la Biashara, na hadi sasa kituo hicho kimeweza kutoa huduma mbalimbali na kuweza kusajili wafanyabiashara 706.

Kuhusu Uanzishaji wa Dira ya uwekezaji kwa Wilaya ya Kongwa, imeelezwa kwamba Dira hiyo itatumika kama chanzo cha habari za uwekezaji katika Wilaya ya Kongwa, ikionesha fursa mbalimbali za uwekezaji zilizopo, mahitaji ya uwekezaji katika fursa hizo, hatua kadhaa za kufuata, matarajio mbalimbali, kiwango cha nguvu kazi inayopatikana, miundombinu, taratibu za umiliki ardhi, masoko, huduma mbalimbali zilizopo katika maeneo ya uwekezaji n.k.

Kuhusu Mradi wa Ufugaji kuku Mbande, imeelezwa kwamba ni miongoni mwa miradi inayofadhiliwa na LIC katika Wilaya ya Kongwa; Wazo la mradi lilitokea katika Idara ya Mifugo na Uvuvi. Mradi huu upo katika mfumo wa kongano (Cluster) ambapo wadau mbalimbali wanahusika katika utekelezaji wa mradi huu. Wadau wanaohusika katika kutekeleza mradi huu ni pamoja na wafugaji wa kuku, wauzaji wa pembejeo zinazotumika katika ufugaji wa kuku kama vile vyakula, vyombo vya chakula na maji, wauza madawa na wauza vifaranga. Mradi huu utatekelezwa katika kipindi cha miaka mitano kwa awamu kuanzia Julai 2017.

Aidha, Kikao hicho cha pamoja kimetoka na maazimio mbalimbali katika kufanya Baraza la Biashara la Wilaya kuwa endelevu pamoja na uboreshaji wa mazingira ya kiuwekezaji wilayani Kongwa; Makubaliano haya ni:-

• Afisa Biashara (W) aandae bajeti ya Tamasha la kutangaza fursa za uwekezaji na aiwasilishe kwa Mkurugenzi Mtendaji wa Halmashauri ya Wilaya Kongwa;
• Uitishwe utaratibu ambao utafanya kila Kata ipate fursa ya kujitangaza katika tamasha la uwekezaji litakaloandaliwa;
• Vitafutwe vyanzo madhubuti vya mapato kupata fedha za kuendesha shughuli za Baraza la Biashara baada ya kikomo cha uwekezaji wa ufadhili wa Local Investment Climate ( LIC);
• Taarifa na mochoro ya maeneo ya uwekezaji yatakayokwa yameainishwa iwasilishwe katika kikao cha Baraza la Madiwani cha mwezi Januari 2018;
• Kiundwe Kikosi Kazi (Task force) ya kuandaa Dira ya Uwekezaji (Investment Guide) ambayo itatumiwa kama muongozo wa Wawekezaji Wilayani Kongwa.

Maelezo ya Mradi wa Ufugaji Kuku(Namna utekelezaji unavyofanyika na jisniz ya wananchi kujiunga na mradi huu).doc