Kongwa yapata Mafunzo kuhusu Mfumo wa Kurasimisha Biashara Ndogo Katika Ngazi ya Halmashauri

Imewekwa: July 12th, 2017

Mradi wa Kuboresha  Mazingira ya Biashara na Uwekezaji (LIC Project) umeendesha mkutano wa kuwasilishaji wa mada ya Mfumo wa Kurasimisha Biashara Ndogo Katika Ngazi ya Halmashuri wilayani Kongwa. Uwasilishaji huu umefanyika kwa baadhi ya wajumbe wa Baraza la Madiwani na  wajumbe wa Timu ya Menejimenti ya Halmashauri (CMT) katika Ukumbi wa MIkutano wa Halmashauri ya Wilaya ya Kongwa. 

Mwakilishi wa wa LIC Ndugu Goodluck Mghonu ameeleza kwamba lengo la uwasilishaji huu ni kuboresha mazingira ya biashara na uwekezaji katika Wilaya ya Kongwa kwan kuna changamoto nyingi ambazo wameziona wakati wa utafiti wao. Aidha, alieleza kuwa asilimia themanini (80%) ya biashara zilizopo Kongwa si rasmi na zinapelekea ukosefu wa fursa nyingi kwa Halmashauri na wafanyabiashara wenyewe.

Mada ya mkutano amewasilisha  Dr. Goodluck C. Urassa Mkurugenzi wa Chuo cha Usimamizi na Uendelezaji wa Ujasiriamali kutoka Dar es Salaam, Tanzania. Aidha, mjadala kuhusu changamoto mbalimbali na ubainishaji wa makundi na biashara ndogo uliefanyika na hatimaye washiriki kuazimia masuali ya kimkakati katika kutekeleza mfumo baada ya Menejimenti kuridhia mfumo wasilishwa. Utekelezaji wa Mfumo wa Kurasimisha Biashara Ndogo kwa ngazi ya Halmashauri utaanza mara tu baada ya Baraza la Madiwani kuridhia Mfumo huu, ambapo Mwenyekiti wa Halmashauri, Mhe. White Zuberi Mwanzalila  ameiagiza Menejimenti kuaharakisha utaratibu kwa kuwasilisha mada katika vikao vyote vya kamati husika na hatimaye kwenye Baraza la mwezi huu na siyo kusubiri Baraza la mwezi wa kumi. 

Pia, washiriki walipendekeza kuundwa kwa kikosi kazi kitakachoshughulikia masuala yote yaliyokubaliwa ambapo ilikubaliwa kwamba Mwenyekiti wa Halmashauri, Mkuregenzi Mtendaji na Afsa Biashara wa Wilaya ndiyo watahusika kupatikana kwa wajumbe wa kikosi kazi na Afisa Biashara ndiye aatkuwa Mratibu kuunganisha mawasiliano na LIC, na LIC wamesema kwamab wako tayari kusaidia katika kutekeleza shughuli zote za kurasimisha biashara ndogo na Halmashauri ichangamkie fursa hii.