Miradi yenye thamani ya shilingi bilioni 3.1 yatembelewa na Mbio za Mwenge wa Uhuru 2017 Wilayani Kongwa

Imewekwa: June 20th, 2017

Jumla ya miradi 6 yenye thamani ya Tsh. 3,131,091,240/= imepitiwa na Mwenge wa Uhuru Wilayani Kongwa, ambapo Halmashauri ya Wilaya imechangia Tsh. 794,000/= , Wahisani Tsh. 169,007,740/= , Serikali Kuu Tsh. 428,500,000/= , Wananchi Tsh. 23,989,500/= na Sekta Binafsi Tsh. 2,508,800,000/=. 

MKatika Mbio hizo kulifanyika uzinduzi, ufunguzi na uwekaji wa mawe ya msing katika maeneo mbalimbali ya miradi kama ifuatavyo; Kibaigwa - Uzinduzi wa Soko la Mbogamboga na Matunda Kibaigwa wenye thamani ya shilingi 166,825,240/= ambao umefadhiliwa na Mradi wa Uboreshaji wa Mazingira ya Biasha (LIC Project)  na Kuweka Jiwe  la Msingi ujenzi wa kiwanda cha kukamua Mafuta ya Alizeti (Kahama Oil Mill)  – mradi uliogharimu shilingi 2,500,000,000/= na ni sekta binafsi; Ibwaga - Ufunguzi wa Mabweni katika Shule ya Sekondari Ibwaga yenye thamani ya shilingi 150,000,000/= , mradi huu umetekelezwa kupiti fedha za mpango wa malipo kwa matokeo (P4R); Mtanana - Uzinduzi wa Mradiwa Maji katika Kijiji cha Chigwingwili, mradi wenye thanai ya shilingi 253,500,000/= katika fedha hizo wananchi wamechangia Tsh 5,000,000 na zilizosalia zimetoka Serikali Kuu; Mkoka - Uwekaji wa Jiwe la Msingi Ujenzi wa Kituo cha Polisi Mkoka, na Uwekaji wa Jiwe la Msingi, ujenzi wa jengo la huduma ya upasuaji katika  Kituo cha Afya Mkoka.