Spika Ndugai akabidhiwa Hati ya kuchaguliwa kuwa Mbunge wa Jimbo la Kongwa

Imewekwa: October 30th, 2020

Msimamizi wa Uchaguzi Jimbo la Kongwa Dkt. Omary A. Nkullo amemkabidhi Mhe. Job Yustino Ndugai Hati ya Kuchaguliwa kuwa Mbunge wa Jimbo la Kongwa leo tarehe 30 Oktoba 2020 katika Ofisi ya Mkurugenzi Mtendaji Wilaya, Halmashauri ya Wilaya ya Kongwa.

Mhe. Job Yustino Ndugai ambaye pia ni Spika wa Bunge liliopita la Jamhuri ya Muungano wa Tanzania amepita bila ya kupingwa katika uchaguzi wa Mkuu wa Mwaka 2020.

Uchaguzi ngazi ya Urais Mhe John Joseph Pombe Magufuli kupitia CCM ameshinda kwa kishindo kwa asilimia 97.3.

Katika ngazi ya Udiwani, madiwani wa Kata 5 – Kibaigwa, Kongwa, Mlali, Ng’humbi, na Sejeli ndiyo wamepita kwa uchaguzi na madiwani 17 katika wamepita bila kupingwa.

Aidha, Msimamizi wa Uchaguzi Jimbo la Kongwa amemkabidhi hati za kuchaguliwa kwa madiwani wa Kata zote 22 za Jimbo hilo la Kongwa ambapo viti vyote vya udiwani vimechukuliwa na CCM.  

Habari na Nkinde Moses 

Afisa TEHAMA

Halmashauri ya Wilaya ya Kongwa.